പാലക്കാട്ട് പട്ടാപകൽ വീട്ടിൽ മോഷണം; സ്ത്രീയുടെ കമ്മൽ പൊട്ടിച്ചു, കുഞ്ഞിന്‍റെ മാലയും കവർന്നു

പാലക്കാട്: പാലക്കാട് പത്തിരിപ്പാലയിൽ പട്ടാപകൽ വീട്ടിൽ ആക്രമിച്ച് കയറി മോഷണം. പൂക്കാട്ടുകുന്ന് സ്വദേശി സ്വാമിനാഥന്റെ വീട്ടിലാണ് മോഷണം നടന്നത്. ഇന്ന് രാവിലെ പതിനൊന്ന് മണിയോടെ ആയിരുന്നു സംഭവം. വീട്ടിലെ ജോലിക്കാരിയെ ആക്രമിച്ചാണ് മോഷണം നടന്നത്. ജോലിക്കാരിയുടെ രണ്ട് ചെവിയിലെ കമ്മലുകളും മോഷ്ടാവ് വലിച്ചൂരിയെടുത്തു. പരിക്കേറ്റ ഇവരെ തൊട്ടടുത്ത ആശുപത്രിയിൽ പ്രവേശിപ്പിച്ചു. ആക്രമണ സമയത്ത് വീട്ടിലുണ്ടായിരുന്ന രണ്ടു വയസ്സുള്ള കുട്ടിയുടെ കഴുത്തിലെ മാലയും മോഷ്ടാവ് കവർന്നു. ഒറ്റപ്പാലം പൊലീസ് അന്വേഷണം ആരംഭിച്ചു.

Content Highlight: Burglary into house in broad daylight in Pathiripala, Palakkad